CAR WASHING & SERVICE சர்வீசிங் சென்டர் பிசினஸ்

கார் சர்வீஸ் பிசினஸ் :

இரண்டு சக்கர வாகனத்துக்கு இணையாக கார்களின் தேவை இன்று அதிகரித்துள்ளது. கார் வாங்குவதற்கு எளிதாகக் கடன் கிடைப்பது இதற்கு ஒரு முக்கியமான காரணம் ஆகும். அடுத்த 20 ஆண்டுகளில் இந்தியாவில் கார்களின் எண்ணிக்கை 40 - 45 கோடியாக உயர வாய்ப்புள்ளது. தற்போது 7 கோடி கார்கள் உள்ளது. 2025-ம் ஆண்டுக்குள் உலகின் 5-வது மிகப் பெரிய கன்ஸ்யூமர் நாடாக இந்தியா மாறும். வேகமாக வளர்ச்சி அடையும் நாடுகளில் இந்தியா இரண்டாவது இடத்தில் உள்ளது. எனவே, கார் பராமரிப்பு என்பது அவசியமான ஒன்றாக மாறி உள்ளது.ஒரேநேரத்தில் அதிகபட்சமாக ஐந்து கார்களை வாஷ் செய்யவும், மூன்று கார்களை பார்க் செய்யும் அளவுக்குக் கட்டாயம் இடம் தேவை. மேலும், இந்தத் தொழிலில் தொடர் செலவுகள் என்பது கிடையாது. அதாவது, பணியாளர்களின் சம்பளம் மற்றும் வாஷிங் செய்வதற்கு தேவையான பொருட்களைத் தவிர்த்து வேறு செலவு கிடையாது.மழைக் காலத்தில் மட்டும் கார்களின் எண்ணிக்கை குறைய வாய்ப்புள்ளது. அதிக லாபம் தரக்கூடிய தொழில் இது.  வாடிக்கையாளரின் தேவை என்ன என்பதைத் தெரிந்து சேவைசெய்வது முக்கியம்

தேவையான இயந்திரம்: பிரஷ், ஜெட் ஸ்பிரே, உலர்த்தும் இயந்திரம், சென்சர், கன்ட்ரோலர், பம்ப், டைர்வ்ஸ், நாசில் போன்றவை.

தொழில் வாய்ப்பு: வளர்ச்சி அடையும் அனைத்துப் பகுதிகளும்.

வரிக்குப் பின் வருமானம்:  30% கிடைக்கும்.

தேவைப்படும் முதலீடுகள் பற்றிய விவரம் :

தொழில் துவங்க தேவைப்படும் மொத்த முதலீடு :22லட்சம் 

இயந்திரங்கள் வாங்கும் செலவு : 15லட்சம் 

தொழில் துவங்கும் முன்னே செலவுகள் :1 லட்சம் 

செயல்பாட்டு மூலதனம் : 1லட்சம் 

தொழில் நடக்கும் இடம் கட்டிடம் வாடகை :5லட்சம் , மேலும் 1000 சதுரடி இடம் தேவை 

இதற்க்கு நிதி ஆதாரம் கிடைக்குமா ?

கிடைக்கும் மானியம் : 3.75 லட்சம் 

நாம் போடும் மூலதனம் : 7.75லட்சம் 

வங்கி கடன் : 10.50லட்சம்.

என்இஇடி(New Entrepreneurship Cum Enterprise  Development Scheme (NEEDS)  என்ற திட்டத்தின் கீழ் இயந்திரம் வாங்கும் மதிப்பில் 25% மானியம் கிடைக்கும்.

நன்றி : நாணயம் விகடன் 

பயோமாஸ் என்னும் எரிபொருள் தயாரிப்பு பிசினஸ் ஸ்தாபிக்க வழிமுறைகள்

பயோமாஸ் என்னும் எரிபொருள் தயாரிப்பு தொழில்  

தொழில் துறை வேகமாக வளர்ச்சி அடைந்து வருவதால், இந்த பயோமாஸ் பொருட்களின் தேவை அதிகரித்துள்ளது. முக்கியமாக டீ, புகையிலை, லெதர், டெக்ஸ்டைல்ஸ் தொழிற்சாலைகளில் இதன் பயன்பாடு அதிகமாக உள்ளது. மேலும், நிலக்கரியின் விலை அதிகம் என்பதால், பாய்லர் உள்ள தொழிற்சாலைகள் அனைத்திலும் இதன் பயன்பாடு அதிகம். அதோடு அதிலிருந்து கிடைக்கும் வெப்பமும் குறைவானதாகவே இருக்கும். இதனால் இந்தக் கழிவுகளில் இருந்து தயாரிக்கப்படும் எரிபொருளுக்கு அதிக வரவேற்பு உள்ளது.

• தேவையான இயந்திரம்: கழிவுகளை அரைக்கும் இயந்திரம், ஜெனரேட்டர் அவசியம் தேவை.
• தொழில் வாய்ப்பு: தொழிற்சாலைகள் அதிகம் உள்ள இடம். டீ தயாரிப்பு தொழிற்சாலை உள்ள ஊட்டியில் அதிக வரவேற்பு உள்ள தொழில் இது. இதில் மட்டும் வருடத்துக்கு 50 ஆயிரம் டன் கழிவு தேவைப்படுகிறது.
• வரிக்குப் பின் வருமானம்:  10% கிடைக்கும்.

தேவைப்படும் முதலீடுகள் பற்றிய விவரம் :

தொழில் துவங்க தேவைப்படும் மொத்த முதலீடு :34லட்சம் 

இயந்திரங்கள் வாங்கும் செலவு : 20 லட்சம் 

தொழில் துவங்கும் முன்னே செலவுகள் :1 லட்சம் 

செயல்பாட்டு மூலதனம் : 5 லட்சம் 

தொழில் நடக்கும் இடம் கட்டிடம் வாடகை :8லட்சம் , மேலும் 4000 சதுரடி இடம் தேவை 

இதற்க்கு நிதி ஆதாரம் கிடைக்குமா ?

கிடைக்கும் மானியம் : 5 லட்சம் 

நாம் போடும் மூலதனம் : 15 லட்சம் 

வங்கி கடன் : 14 லட்சம்.

நமக்கு தேவையான பணம் இவைகளால் நாம் சேகரித்து கொள்ள இயலும் ,பயோமாஸ் எரிபொருளின் தேவை நாளுக்கு நாள் அதிகரித்துக்கொண்டே வருகிறது. காற்று மாசுபடாத வகையில் எரிபொருள் பயன்படுத்தினால்தான் தொழில் நிறுவனங்களுக்கு லைசென்ஸ் கிடைக்கும். இதனால் இதன் தேவை எப்போதும் குறையாது. வீணாகும் பொருளிலிருந்து இன்னொரு பொருளை தயாரிக்கும்போது 5% வரி கட்ட வேண்டும். இது ஒன்றுதான் இதில் உள்ள ஒரு நெகட்டிவ் அம்சம். 
தொடர்ந்து நிறுவனங்களுடன் பேசி தரமான எரிபொருளை வழங்குவதே தொழில்வெற்றிக்குமுக்கியமானது.என்இஇடி(NewEntrepreneurshipCum Enterprise Development Scheme (NEEDS) என்ற திட்டத்தின் கீழ் இயந்திரம் வாங்கும் மதிப்பில் 25% மானியம் கிடைக்கும்.

நன்றி நாணயம் விகடன் 

லாண்டரி சர்வீஸ் என்னும் சலவை தொழிலை துவங்குவது எப்படி ?

Laundry Service : சலவை பிசினஸ் 
தேவைப்படும் முதலீடுகள் பற்றிய விவரம் :
தொழில் துவங்க தேவைப்படும் மொத்த முதலீடு :19 லட்சம் 
இயந்திரங்கள் வாங்கும் செலவு : 15 லட்சம் 
தொழில் துவங்கும் முன்னே செலவுகள் :1 லட்சம் 
செயல்பாட்டு மூலதனம் : 1 லட்சம் 

தொழில் நடக்கும் இடம் கட்டிடம் வாடகை :2 லட்சம் 

லாண்டரி சர்வீஸ் என்பது இன்றைய வேகமான வாழ்க்கை முறைக்கு அவசியமானதாக மாறி உள்ளது. 2017-ம் ஆண்டுக்குள் லாண்டரி சேவை 65 சதவிகிதம் வளர்ச்சி அடையும் என சி அண்டு டபிள்யூ (Cushman & Wakefield) ஆய்வு தெரிவித்துள்ளது. மேலும், புதிதாக 52 ஆயிரம் ஹோட்டல்கள் துவக்கப்படும் எனவும் ஆய்வுகள் தெரிவித்துள்ளது. மேற்கூறிய துறைகள் வேகமாக வளர்ச்சி அடையும்போது லாண்டரி சேவையின் தேவையும் அதிகரிக்க வாய்ப்புள்ளது.புதிதாக வேலைக்குப் போகும் இளைஞர்களின் வளர்ச்சி அதிகரித்து வருவதாலும் இந்த லாண்டரி சேவைக்கு அதிக வரவேற்பு உள்ளது. அதாவது, அவர்களின் துணிகளைத் துவைத்து அயன் செய்து தருவதற்கான கட்டணம் என்பது மிகவும் குறைவு. இந்த தொழிலுக்கு தண்ணீர் அதிகம் தேவை.

• தேவையான இயந்திரங்கள்: தொழில் துறைக்குத் தேவையான வாஷிங் மெஷின், ஹைட்ரோ கரைப்பன், துணிகளை உலர்த்தும் இயந்திரம், அயன் செய்யும் டேபிள் மற்றும் அதற்கான இயந்திரம்.
• தேவையான ஆட்கள்: அதிகபட்சம் 40 நபர்கள்.
• தொழில் வாய்ப்புகள்: மருத்துவமனை, ஹோட்டல், வேலைக்குப் போகும் தனிநபர்கள், கல்வி நிறுவனங்கள், ரயில்வே, பேருந்துகள் போன்றவை.
• வரிக்குப் பின் வருமானம்:  16% கிடைக்கும்.

இதற்க்கு நிதி ஆதாரம் கிடைக்குமா ?

• கிடைக்கும் மானியம் : 3.75 லட்சம் 
• நாம் போடும் மூலதனம் : 5.25 லட்சம் 
• வங்கி கடன் : 10 லட்சம்.

நமக்கு தேவையான பணம் இவைகளால் நாம் சேகரித்து கொள்ள இயலும் இதில் 20-25 சதவிகிதம் வரை லாபம் கிடைக்கும்.
நன்றி : நாணயம் விகடன்

ரெடிமேட் Food பிசினஸ் துவங்குவது எப்படி ?

Ready to eat Food business : ரெடிமேட்  புட்  பிசினஸ் 
உலக அளவில் ரெடி டு ஈட் ஃபுட்டுக்கான வரவேற்பு அதிகம் உள்ளது. மாறி வரும் வாழ்க்கை முறையின் காரணமாக இதன் தேவை அதிகரித்துள்ளது. இப்போது பல குடும்பங்களில் கணவனும் மனைவியும் வேலைக்குப் போகிறார்கள். மேலும், பலரது சம்பளமும் இப்போது குறிப்பிடத்தகுந்த அளவு உயர்ந்திருப்பதால், செலவு செய்யவும் தயாராக இருக்கிறார்கள். தவிர, வேலை காரணமாக சொந்த ஊரைவிட்டு, வெளியூருக்கு செல்பவர்களின் எண்ணிக்கையும் அதிகரித்திருப்பதால், இந்த ரெடி டு ஈட் ஃபுட்டுகளுக்கான தேவை அதிகரித்து வருகிறது. வெளிநாடு வாழ் இந்தியர்களின் எண்ணிக்கை கூடுவதால் ஏற்றுமதிக்கும் உகந்த பொருளாக உள்ளது.

• சந்தை மதிப்பு: ரூ. 4,000 கோடி, இத்துறை வருடத்துக்கு 21.99% வளர்ச்சி அடைகிறது.  இந்தத் தொழில் துவங்குவதற்கு  FSSAI லைசென்ஸ் வாங்க வேண்டும்.
• தேவையான இயந்திரங்கள்: இயந்திரம், சப்பாத்தி செய்யும் இயந்திரம், டபுள் ஸ்பைரல் மிக்ஸர், பிரையிங் மெஷின் ஆகியவை தேவை.
• தேவையான ஆட்கள்: 2 நபர்கள்.
• தொழில் வாய்ப்புகள்: சென்னை, கோவை மற்றும் வளர்ச்சி அடையும் மாவட்டங்கள்.
• வரிக்குப் பிந்தைய வருமானம்:  30 சதவிகிதம் 

உணவுப் பொருட்களைவிட ஸ்நாக்ஸ் வகைகளுக்குச் சந்தையில் அதிக வரவேற்பு உள்ளது. தரமாகவும், விலை குறைவாகவும் உணவுகளை வழங்கினால், மாதத்துக்கு 70-90 ஆயிரம் ரூபாய் வரை லாபம் பார்க்க முடியும். இதை துவங்க தேவைப்படும் மொத்தம் 9 லட்சம் முதலீடு வேண்டும் ,5 லட்சம் ஆகும் இரண்டு வகையான மெஷின் வாங்க ,இது போக மீதி 4 லட்சம் இடம் ,செயல்பாட்டு மூலதனம் ,துவக்க செலவு என்று அவசியம் .

இதற்க்கு ஏதேனும் உதவி கிடைக்குமா நிதி ஆதாரமாய் ?

வாய்ப்புண்டு ,நீங்க ஸ்தாபிக்கும் மூலதனம் 4.5 லட்சம் கையிருப்பு போடுங்க ,இதற்கான மானியம் ஒரு 1.25 லட்சம் கிட்டும் ,வங்கி கடன் கூட கிடைக்கும் முயன்றால், அது ஒரு 3.50 லட்சம் வாங்கினால் ,மொத்தம் உங்களின் இருப்புத்தொகை 9 லட்சம் ஆக மாறும் நீங்கள் தொழில் துவங்க உதவும் . 

நன்றி : நாணயம் விகடன்